ලිංගික හා ස්ත්රී පුරුෂ සමාජභාවය පදනම් කරගත් සයිබර් ප්රචණ්ඩත්වය වැළැක්වීම පිළිබඳ අම්පාර දිස්ත්රික් පුහුණු වැඩසටහන අම්පාර දිස්ත්රික් ලේකම් චින්තක අබේවික්රම මහතාගේ ප්රධානත්වයෙන් 2024 දෙසැම්බර් මස 11 වන දින අම්පාර දිස්ත්රික් ලේකම් කාර්යාලයීය ශ්රවණාගාරයේදී පැවැත්විණි.
අම්පාර දිස්ත්රික් කාන්තා සංවර්ධන නිළධාරී සුරේකා එදිරිසිංහ මහත්මියගේ සංවිධානයෙන් පැවති මෙම පුහුණු වැඩසටහන තුළ ලිංගික හා ස්ත්රී පුරුෂ සමාජභාවය පදනම් කරගත් සයිබර් ප්රචණ්ඩත්වය, සයිබර් අපරාධ සම්බන්ධයෙන් පවතින නීතිය සහ ආයතන සම්බන්ධව හා මිනිස් ජවාරම් පිළිබඳව සහ ඒ සම්බන්ධයෙන් පවතින නීති සම්බන්ධයෙන් සුවිශේෂි ලෙස සාකච්ඡා කෙරිණි.
මෙහි සම්පත් දායකත්වය දරනු ලැබුවේ අම්පාර පොලිස් සේවාස්ථ පුහුණු ආයතනයේ පොලිස් සැරයන් ටී.කේ. ඩී. බණ්ඩාර මහතා විසිනි. මෙම වැඩසටහන සඳහා අම්පාර දිස්ත්රික්කයේ ළමා හිමිකම් ප්රවර්ධන නිළධාරී ඕ.කේ. ෂරීෆා මිය, ඇතුළු රාජ්ය නිළධාරී, අම්පාර දිස්ත්රික්කයේ වනිතා කටයුතු නිළධාරීන්, කාන්තා සමිති නියොජිතවරියන් ඇතුළු විශාල පිරිසක් සහභාගි විය.
(අම්පාර දිස්ත්රික් මාධ්ය ඒකකය)