අම්පාර දිස්ත්රික්කයේ සිදුව ඇති ආපදා තත්ත්වයට කඩිනම් විසදුම් ගැනීම උදෙසා පැවති මෙම සාකච්ඡාව ග්රාමීය සංවර්ධන සහ සමාජ සවිබලගැන්වීමේ අමාත්ය උපාලි පන්නිලගේ මහතා, බලශක්ති අමාත්ය කුමාර ජයකොඩි මහතා, ආරක්ෂක නියෝජ්ය අමාත්ය අරුණ ජයසේකර මහතා, ග්රාමීය සංවර්ධන සහ සමාජ සවිබලගැන්වීමේ නියෝජ්ය අමාත්ය වසන්ත පියතිස්ස මහතා සහ වාරිමාර්ග නියෝජ්ය අමාත්ය සුසිල් රණසිංහ මහතාගේ ප්රධානත්වයෙන් අම්පාර දිස්ත්රික් ලේකම් කාර්යාලයීය ශ්රවණාගාරයේදී නොවැම්බර් 28දා පැවැත්විණි.
දිස්තික්කයේ සියලූම පාර්ලිමේන්තු මන්ත්රිවරුන් සහ රාජ්ය අංශයේ නිලධාරීහු ද මෙම අවස්ථාවට සහභාගි විය.
පැවැති වර්ෂාවත් සමඟ අම්පාර දිස්ත්රික්කයේ සිදුවු හානි පිලිබද සාකච්ඡා කරනු ලැබු අතර එම අවස්ථාවට අම්පාර දිස්ත්රික් ලේකම් චින්තක අබේවික්රම මහතා සහ ප්රාදේශීය ලෙක්ම් වරුන් ඇතුළු රාජ්ය අංශයේ නිලධාරින් රැසක් එක්විය.
මෙහිදි ප්රාදේශීය ලේකම් කොට්ඨාශ මට්ටමින් පවතින ආපදා තත්ත්වය පිලිබදව ප්රාදේශීය ලේකම් වරුන් තොරතුරු අනාවරණය කල අතර ග්රාමීය වශයෙන් එම ප්රාදේශීය සිවිල් නියෝජිතයන්ද මෙහි තොරතුරු අනාවරණය කරන ලදී. ඒ අනුව ගං වතුරින් විනාශ වු නිවාස සහන කදවුරු වල සිටින ජනතාවගේ සෞඛ්ය තත්ත්වය සහ නැවත ඔවුන් පදිංචි කරවිමෙදී නිවාස වල තත්ත්වය පිලිබද , කෘෂි බිම් , ග්රාමීය මාර්ග , විදුලිය විසන්දිවිම් , වන අලින් රංචු වශයෙන් ගං වතුර හේතුවෙන් ගම්මාන ආසන්නව රැදි සිටිම, පිලිබද අවදානය යොමු කරන ලදී.
(අම්පාර දිස්ත්රික් මාධ්ය ඒකකය )